دومين خاص بموقعك
الدومين هو اسم موقعك، مثل alnakhla.com. تشتريه باسمك، ويبقى ملكك.
1اختار الاسم
- خليه قصير وسهل يتكتب ويتلفظ.
- الأفضل .com. إذا مأخوذ جرب .net أو .co أو .store.
- حروف إنكليزية وأرقام بس، وبدون فراغات.
2اشتريه من شركة دومينات
أي شركة معروفة تشتغل، مثل Namecheap أو GoDaddy أو Cloudflare.
- اكتب الاسم بخانة البحث، وإذا متوفر أضفه للسلة.
- سوّي حساب بـ اسمك وإيميلك إنت، حتى يبقى الدومين ملكك.
- ادفع بماستر كارد أو فيزا. سعر .com تقريباً 10 لـ 20 دولار بالسنة.
- شغّل التجديد التلقائي (Auto-Renew)، حتى ما يروح منك الاسم.
ما تحتاج تشتري استضافة أو إيميل أو أي إضافات تعرضها الشركة. الدومين بس. موقعك مستضاف عدنا.
3أرسلنا اسم الدومين
أرسل اسم الدومين بالواتساب. نضيفه لموقعك عدنا، ونرسلك سطرين تضيفهن بإعدادات الدومين.
ما نحتاج باسورد حسابك أبداً. لا تنطيه لأي أحد، حتى إلنا.
4أضف السطرين بإعدادات الدومين
- ادخل حسابك بشركة الدومين، وافتح الدومين.
- دوّر على DNS أو Advanced DNS أو Manage DNS.
- أضف السطرين بالضبط مثل ما نرسلهن. هيج يكون شكلهن:
| Type | Host / Name | Value |
|---|
| A | @ | (نرسله إلك) |
| CNAME | www | (نرسله إلك) |
إذا أكو سطر قديم بنفس النوع والاسم، احذفه أو بدّله.
5انتظر شوية
الربط ياخذ من دقائق لحد 48 ساعة كحد أقصى. نتابعه إحنا، ونرسلك من يشتغل. القفل (https) ينضاف تلقائياً ومجاناً.
أسئلة
- منو يملك الدومين؟ إنت، لأنه باسمك وبحسابك.
- التجديد على منو؟ عليك، كل سنة لشركة الدومين. التجديد التلقائي يريحك.
- ما أعرف أشتري؟ راسلنا بالواتساب ونمشي وياك خطوة بخطوة.